Groener weivelde

“To exist is to change, to change is to mature, to mature is to go on creating oneself endlessly.” 
– Henri Bergson

Dis snaaks hoe ‘n mense se smaak verander oor die jare. Wat jou ‘n paar maande terug geïnteresseer het, is skielik nie meer so oulik nie. Ek is ‘n groot aanhanger van waterverfskildery-blogs, maar skielik is skilders aan wie se kwasse ek letterlik gehang het, vervelig en vaal. Dieselfde ding oor en oor en oor, g’n groei of verandering of verbetering nie. Is dit hulle, of is dit ek?

Ek is definitief ‘n liefhebber van my roetine en lief dit as my dag mooi glad verloop, maar ek raak gou ontsteld as dinge vervelig begin raak – my roetine moet elke dag iets nuuts insluit, al is dit net om my koppie koffie te verruil vir ‘n warm sjokolade.

Ek lief dit om myself met inspirasie te omring, dis asof ek die lewe inteug daardeur. Maar dis nie altyd ‘ander mense’ wat te blameer is nie – wanneer jy self groei is dit vanselfsprekend dat dít waarin jy geïnteresseerd is gaan verander, dat jou fokus gaan verskuif en dat jy ‘groener weivelde’ gaan soek.

Ek is nie juis veel van ‘n kok nie, hou nie juis daarvan om te kook nie, maar deesdae vind ek myself al hoe meer geïnteresseerd in resepte. Maar maklike, flatervry resepte. Bobotie is te ingewikkeld vir my. Ek het nie tyd of lus vir fênsie en moeilik-bekombare bestanddele nie. Ek en my man is albei eenvoudige eters – rys, vleis en aartappels, sê ek altyd. En slaai. En groente, baie groente. En rys. Ek kan ‘n hele bak rys net so plein opeet sonder om tweemaal te dink!

Nou die dag was ek vroeg vir my haarafspraak en reg langs die haarkapper was ‘n Oceanbasket-restourant. Ek eet nie juis vis nie, maar het besluit om in te gaan vir ‘n koppie koffie en terwyl ek so deur die spyskaart geloer het, het ek gesien hulle bedien rys as ‘n “side order”. Dis net die ding waarvoor ek lus is, dink ek, en dis net R17! So ek bestel toe ‘n porsie en dit wat opgedaag het, bedien in ‘n groot braaipan, was genoeg om die weermag te voer! Maar hoe heerlik! Bietjie botter bo-op en ek het die hele lot klaar gemaak!

So ja, groener weiveld, ek is op pad!

.

Advertisements

12 thoughts on “Groener weivelde

    • Ek ook. Ons het daarmee grootgeword, maar daai soort viswinkels kry jy nie sommer meer nie. Deesdae is die ou vissie so slap en die tjips so droog en dan betaal jy deur jou ore. Ons braai nou maar ons snoek (ingevoer van die Kaap af) op die rooster en sit ‘n tinfoelie-bakkie met klein aartappeltjies en uie tussen die kole in.

      Like

    • Ek eet gewoonlik net vis as ek by die kus is Coetzee, hou nie van die goed hier in Jo’burg wat so vir weke in die vrieskas lê nie. En daar’s ook nie meer ordentlike kêffies wat lekker vis verkoop nie! Dankie vir die inloer!

      Like

Los 'n kommentaar, ek hoor graag van jou!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s